Li gorî texmînên saziya îstîxbaratê ya Amerîkayê CIA, rêxistina dijminê mirovahiyê DAIŞ a xwe weke Dewleta Îslamê (DÎ) ragihandiye, li Iraq û Sûriyeyê ji 20 hezar heta 31.500 şervanên xwe hene.

Ji berdevkên rêxistina îstîxbaratê ya Amerîkayê Ryan Trapanî ji Ajansa Nûçeyan a Fransayê (AFP) re axivî û li gorî lêkolîneke li ser hemû raporên çavkaniyên îstîxbaratê yên CIA ên di navbera Gulan û Tebaxê de, "Dewleta Îslamê li Iraq û Sûriyeyê xwedî 20 hezar heta 31.500 şervanane."

Trapanî diyar kir ku li gorî hesabên beriya vê "herî kêm 10 hezar şervan" dihat texmînkirin. Li gorî berpirsyarekî din ê CIA li Sûriyeyê 15 hezar "şervanên biyanî" hene. Tê gotin ku ji van 2 hezar ji welatên Rojava çûne. Rayedarê CIA yê navê wî nehat aşkerakirin, beşek ji kesên ji derveyî welat çûne tevlî DAIŞ'ê bÛne, lê hejmareke zelal di vî warî de nîne.