Kurdistaniyên ku li bajarê Freîbûrg ê Elmanyayê dijîn, bi heyeta ku ji aliyê Navnenda Civaka Kurd a Demokratîk ve hate organîzekirin bi parlementerê SPD’ê Gablî Rolland re civînek li dar xistin.

Heyetê têkildarî îxlalên mafê mirovan û qetlîamên ku ji aliyê AKP’ê ve li Kurdistan û Tirkiyeyê pêk tên agahî da, dosyaya têkildarî mijarê amade kirîn jî pêşkêş kirin.

Her wiha heyetê têkildarî helwestên nerênî yên polîsên Elman ên li dijî çalakî û aktivîteyên Kurdên li Freîbûrg û derdorî wê li dar dixin jî Rolland agahdar kirin, daxwaz kir ku têkildarî helwestên polîsan bikeve nava hewldanan.

Parlementer Rolland jî diyar kir ku ji xwe mijarê dişopîne û wê têkildarî bûyeran jî bikeve nava hewldanan.