Endamên meclîsa bajêr a Floransa ji bo protestokirina tecrîda li ser Rêberê Gelê Kurd Abdullah Ocalan û piştgirîdayîna grevên birçîbûnê daxuyaniyek dan çapemeniyê.

Civîna çapemeniyê li Meclîsa Eyaleta Toscana pêk hat, Endama Meclîsa Partiya Çepgir Donella, li ser navê Tevgera Hêza Gelan Mîryam Amato û li ser navê Komîteya Kurdistan Erdal Karabey beşdar bû.

Di daxuyaniyê de bal hate kişandin li ser şerê AKP’ê yê li dijî gelê Kurd û berxwedana gelê Kurd. Beşdarvanan piştgiriya xwe ya ji bo têkoşîna gelê Kurd diyar kirin û gotin ku divê Ocalan û girtiyên siyasî werin berdan.

Di civinê de berxwedana li Rojava weke “Pêngava Mirovahiyê” hate nirxandin û hate gotin ku tecrîda li ser Ocalan li tu derên cîhanê nîne.

BANGA BEŞDARBÛNA MEŞÊ HATE KIRIN

Di civînê de greva birçîbûnê ya Leyla Guven, Nasir Yagiz, Îmam Şîş û greva li Strasboûrgê jî hate nirxandin û ji bo meşa mezin a 16’ê Sibatê ya li Romayê banga beşdarbûnê hate kirin.

Gelek desteyên weşanê yên li welat daxuyaniya çapemeniyê şopandin.