Li Ermenistanê çalakiya ji bo azadiya Ocalan
Kurdên li Ermenistanê bi daxuyaniyeke çapemeniyê ya girseyî daxwaza azadiya Rêberê Gelê Kurd Abdullah Ocalan kirin.
Kurdên li Ermenistanê bi daxuyaniyeke çapemeniyê ya girseyî daxwaza azadiya Rêberê Gelê Kurd Abdullah Ocalan kirin.
Kurdên li Ermenistanê bi wesîleya pêngava 'Bes e ji tecrîd, faşîzm û dagirkeriyê re; dem dema azadiyê ye" daxuyaniyek dan.
Daxuyanî li gundê Araksî yê navçeya Oktoberyan ji aliyê nûnerên saziyên Kurdan ên li Ermenistanê ve hate dayin.
Beriya daxuyaniyê, li ser wate û girîngiya pêngavê civînek hate lidarxistin.
Endamê Kurdistan Komîte Milo Kalaşyan axivî û pêngava ji bo azadiya Rêberê Gelê Kurd Abdullah Ocalan silav kir.
Kalaşyan destnîşan kir ku bi berxwedana gel û gerîla wê faşîzmê hilweşînin, dawî li tecrîdê bînin û Rêberê Gelê Kurd azad bikin.
Di daxuyaniyê de her wiha endama Yekîtiya Jinên Azad a Ermenistanê Kûbar Kalaşyan axivî.
Kûbar Kalaşyan diyar kir ku heta azadiya rêberê xwe wê têbikoşin û got, "Azadiya Rêberê me bi taybetî wezîfeya jinan e. Em ê bi vê têgihiştinê têbikoşin."
Di dawiya daxuyaniyê de dirûşma "Bijî Serok Apo" hate qîrîn û çalakî bi dawî bû.