Konfedresyon Xwendekarên Kurd ên Welatparêz, bi armanca bîranîna têkoşerên di şoreşa Rojavayê Kurdistanê de jiyana xwe jidest dane, li Dêrikê bernameyek lidarxist.

Bername li avahiya Navenda Çand û Hunerê ya Dîcleyê bi beşdariya malbatên cangoriyên azadiyê û gelek welatiyan hate lidarxistin. Bernameya ku bi rêzgirtinê destpê kir, bi sînevîzyonek li ser şoreşê û berxwedana YPG’ê hatiye amadekirin dom kir.  Piştre li ser navê Konfedresyona Xwendekarên Kurd Cûdî Osê axaftinek kir û soza şopandina riya “şehîdên Kurdistanê” da.

Piştî axaftinê li ser berxwedana YPG’ê şanoyek bi navê “Şehîd rêberên têkoşîna me ne” hate pêşkêşkirin. Bername bi xwendina helbest û strnanên şoreşgerî bidawî bû.