Welatiyê ku du gule li bedena wî ket, rakirin Nexweşxaneya Lêkolîn û Perwerdeyê ya Gazî Yaşargîl a li Amedê.

Bi qedexeya derketina derve ya li navçeya Amed Bismilê re ku ji aliyê walî re ve hat ragihandin, polîs û leşkerên Tirk guleyan li şeniyên taxan direşînin.

Polîsên ku bombe avêtin malekê û zarokek qetil kirin, ji heman malbatê 5 kes birîndar kirin, vê carê jî Agît Yildiz (22) ê li ber mala xwe birîndar kirin. Welatiyan Yildiz rakirin Nexweşxaneya Dewletê ya Bismilê û ji wir jî sewqî Nexweşxaneya Lêkolîn û Perwedeyê ya Gazî Yaşargîl a li Amedê hat kirin. Hat ragihandin ku du fîşek li nav û lingê Yildiz ketiye û rewşa wî giran e.

Hat gotin ku Yildiz hînê nû ji leşkeriyê hatiye û bavê pitikekî 20 rojî ye. Xwişka Yildiz Ozlem Yildiz nerazîbûn nîşanî vê yekê da û got, "Ji komkujiyên ku Erdogan dike re êdî bes e. Wê hesabê vê bide. Ji bo li qesra xwe rûnê, ji bo desthilatdariya xwe me qetil dike. Êdî bes e."