Meşa ku alîgir û hevkarên AKP’ê ku bi rojan amadekariya wê dikirin ber bi avê de çû, îro li heman derê çalakiya Kurdistanî û dostên wan bi peyama “Em rê nadin faşîzmê” hate lidarxistin.

Kurdistanî, şoreşgerên Tirkiyeyî û saziyên demokratîk û antî-faşîst a Elmanya ku li paytext Berlîn a Elmanyayê dijîn li dijî faşîzma AKP/Qesrê di saet 14:00’an li gel pankart, al û dirûşman li Plaatz des 18. Êartz a li aliyê Brndenbûrger Torê kom bûn.

Li gel NAV-DEM, Meclîsa Jinan a DEST DAN, Ciwanên Rojava, PYD a Berlîn, KCK a Berlîn û Hevpar, partisan, ATÎK, AWEGKOM, Cemaeta Dersimên Berlîn, Însyatîfa Azadiya Dersim,Rêxistinên antî-faşîst ên Elman û Parlementerê Eyaleta Berlîn a Partiya Çep a Elman (Die Linke) Hakan Taş û gekek kesên serbixwe jî beşdarî mîtînga antî-faşîst bûn.

Di mîtîngê de dirûşmên mîna “No Pasaran”, “Em rê nadin faşîzmê”, “Bijî Serok Apo”, “Li dijî faşîzmê mil bidin mil”,” Kurdistan goristan ji bo faşîstan”, “Bimre AKP- diktator Erdogan”, “Terorîst Erdogan”, “ faşîst AKP” û “ Lêxe gerîla lêxe, Kurdistanê ava bike” qîr kirin. Girseyê nêzî 2 saetan li dijî êrîşên faşîzma AKP/Qesrê çalakiya xwe dewam kirin û piştre jî li gel sirûdên şoreşgerî û dirûşman belav bûn.