Şaredariya Pîneroloyê ya Torînoyê ya Îtalyayê Hemwelatîbûna Rûmetê dabû Rêberê Gelê Kurd Abdullah Ocalan.

Li eywana şaredariyê ji bo hemwelatîbûnê merasîm hate lidarxistin. Di merasîmê de Serokê konseya şaredariyê axivî û got: “Xeta têkoşînê û biryardariya Ocalan bandoreke mezin li min kir.”

Şaredar Lûca Savaî jî got: “Dibe ku biryarên me li zora hin kesan biçe lê ev biryara hevpar a endamên konseya îradeya gelê Pîneroloyê ye.”

PARÊZER SARICA: TECRÎD DIDOME

Li ser navê Buroya Hiqûqê ya Asrinê, Rêzan Sarica jî beşdarî merasîmê bû û got: “Dil dixwest ku Ocalan bi xwe vê belgeyê werbigire” û diyar kir ku tecrîda giran a li ser Ocalan didome.