Kurdistaniyên li paytexta Yewnanîstan Atînayê dijîn, ji bo pîrozkirina 38. salvegera damezrandina PKK'ê ku weke Cejna Vejînê tê dîtin, li hev civiyan. Pîrozbahî ji aliyê Meclîsa Gelê Kurd a Yewnanîstanê ve hate organîzekirin û gelek Kurdistanî û Yewnan tevlî bûn.

Çalakiya li salona sînema ya Alkîonîsê bi deqeyeke rêzgiritnê ji bo bîranîna cangoriyên têkoşîna azadiyê ya Kurdistanê dest pê kir.

'PKK'Ê GELEKÎ AZAD AFIRAND; BÛ HÊVÎ Û PÊŞENG'

Li ser navê Meclîsa Gel Kendal Semsûr axivî û got, "PKK'ê di nava têkoşîna destanî ya 38 salan de, xeteke ku rêya rizgarî û azadiyê nîşanî bindestan dide afirand, vîn û ruhekî têk naçe yê partiyê, hêzeke gerîla ya xwedî xeta fedayî û gelekî azad ê dilê mirovahiyê geş dike, ava kir."

Her wiha destnîşan kir, ku PKK ne tenê ji bo Kurdan ji bo hemû gelên li Rojhilata Navîn bûye hêvî û pêşeng.

Di pîrozbahiyê de dirûşmên "Bijî Serok Apo", "Bi can bi xwîn em bi te re ne ey Serok", "Bijî PKK" hatin qîrîn.

Koroya Lavrîon, koma govendê û Koma Dansan a Gelê Gîrîtê tevî hunermendên Kurd û Yewnan derketin ser dikê.