Rêxistina HDP'ê ya Stenbolê, roja Yekşemê li Navenda Pêşanîdanê ya Bostanciyê saet 11.00’an wê kongreya xwe bicivîne.

Hevseroka Giştî ya Bajêr Esengul Demîr di daxuyaniya çapemeniyê de got: "Stenbol metropoleke nehîte ye. Ji ber vê jî di nav xwe de xwedî gelek arîşeyan e. Li vî bajarî gelek nasnameyên etnîk û dînî hene. Bajarekî wiha ye ku hevrikiya ked û sermiyanê heye. Stenbol her wiha qada rantê ye. HDP ji van arîşeyan re hem çareseriya polîtîk û hem jî demokratîk diafirîne."

'NIKARIN ME JI ARMANCA ME DÛR BIXIN'

Demîr qirkirina siyasî ya li ser partiya wan bi bîr xist û got: "Em ji ber van şertan kongreya xwe dicivînin. Van zextan nikarîbûye ku HDP’ê ji armanca wê dûr bixin. Em ê rêxisiniya xwe nû bikin. Em ê ji bo demokratîkirina civakê û siyasetê têbikoşin."

Demîr bang li tevahiya gel kir ku biçine kongreyê.