Konferansa ji aliyê Hewldana Konfederasyona Ciwanan ve pêk hat bi xwendina encamnameyê bi dawî bû. Ciwanan di konferansê de biryar girt ku ji bo Kobanê, Soma û Ermenekê kongreyan pêk bînin.

Konferansa ji aliyê Hewldana Konfederasyona Ciwanan ve pêk hat, di roja duyemîn de bi xwendina encamnameyê bi dawî bû. Di konferansa ku pêkhateyên ciwanên Kurdistan û Tirkiyeyê beşdar bûn Parlamentera HDP'ê ya Stenbolê Sebahat Tuncel, axaftinek kir. Tuncel, diyar kir ku Denîzan, Mahîran, Îboyan û Mazluman gotin 'Ji bo em xwe ji pergalê qut bikin derketin rê û tevgera ciwanan rêwiyê vê rêya têkoşînê ne. Tuncel, anî ziman ku polîtîkayên AKP'ê yên li hemberî Kobanê têk çûne û ne Kobanê AKP têk çûye.

Endama Hewldana Konfederasyona Ciwanan Eda Eroglu jî encamname xwend û wiha got: "Di vê pêvajoya ku pergala kapitalist ketiye kaosê hêzên hegomonik ên dewletê bi kuştinên xwe derdikevin pêş. Hem di şoreşa Rojava de û hem jî di bûyerên Gezî de dewlet ji bo xwe ji holê derxe çete derxistin pêş û li Amed Êlih, Dîlok û Sultangaziyê êrîşî girseyan kirin. Li Somayê ciwan jî di nav de zêdeyî 300 kes mirin. Li Ermenekê û Ispartayê bi piranî jin bi dehan kes mirin. Hişmendiya kapîtalîst 3'yemîn pir û 3'yemîn balafirgeh ava kir û xweza wêran kir. Herî dawî li Somayê baxçeyê zeytûnan talan kir û li Kurdistanê şerê taybet dimeşîne. Konfederasyona Ciwanan ji bo li dijî van politîkayan derkeve wê ji bo Kobanê, Soma û Ermenekê mîtîngan pêk bîne. Em vê Konferansa Konfederasyona xwe diyarî Berxwedana Gezî dikin. Ji bo xebat bi rêk û pêk bê meşandin pêdivî bi avakirina koordinasyonê heye. Konfederasyona Ciwanan bi boneya rêxistina xwe pêş bixe wê li hemû qadan panel, semîner, foruman û hwd. pêk bîne. Pêkhateyên Konfederasyonê wê komeleyan ava bike, komun û kooperatifan ava bikin. Dîsa wê li dijî wêrankirina xwezaya Tirkiye û Kurdistanê têkoşîna xwe berdewam bikin û bi ruhê jin û ciwanan çalakiyan pêk bînin. Wê li nasnameyên bawerî, çand, nîjad, reng û ziman xwedî derkevin.

Konferans, bi dirûşma, "Biji berxwadana Kobanê" bi dawî bû.