Di daxuyaniya li ser navê Komîteya HDP'ê ya Hollandayê hat weşandin de hat ragihandin ku rejîma li Tirkiyeyê ji bo dengê bindestan ê aştî û azadiyê qut bike, qada mîtînga aştiyê veguherandiye gola xwînê û aht gotin, "Desthilatdariya ku nikare meşa bi sed hezaran a li hemberî desthilatdariya Erdogan a faşîst û dîktatoriya qesrê bisekine, serî li rêbazên dij mirovane dide û dixwaze meşa gelan asteng bike."

Di daxuyaniyê de hat destnîşankirin, ku her şêwe komkujî wê nikaribe meşa HDP'ê ya ber bi desthilatdariyê ve bisekinîne û hat gotin, "Îro li bajarê Hollanda Den Haagê mîtînga 'Ji şer re na, aştî a niha' tê lidarxistin. Em bang li tevahiya gelê xwe û mirovên hesas û hestyar dikin ku beşdarî vê çalakiyê bibin."

Mîtîng wê li Malieveldê saet di 13:00 de destpê bike.