Di daxuyaniya Kongreya Civaka Demokratîk a Kurdistaniyên li Ewropayê (KCDK-E) ya li ser mijarê de hat bibîrxistin, beriya niha bi du salan, ji ber komkujiya li Şengalê ya ji aliyê DAIŞ'ê ve hat kirin, bi hezaran Êzidî hatin qetilkirin û hat gotin, "Ev zilma li pêş çavên tevahiya cîhanê hat kirin, rûreşiya mirovahiyê ye, ku em ê ti carî ji bîr nekin."

KCDK-E da xuyakirin, ku di 30'ê Tîrmehê de wê li bajarê Bîelefeld ê Elmanyayê bi pêşengiya Tevgera Jinê çalakî bê lidarxistin û banga tevlîbûnê li Kurdan û dostên wan kir.

Di daxuyaniyê de hat gotin, "Em bang li tevahiya gelê xwe, saziyên şoreşger û demokrat dikin ku tevî me beşdarî vê meşê bibin. Ji bo şermezarkirina komkujiya Şengalê û rabûna li ber darbeyên sivîl û leşkerî, em dakevin meydanê."