Ji bo şervana YPJ'ê Şevîn Coşkûn (Mazda Mariya) ku li Rojava jiyana xwe ji dest da, li bajarê Essen ê Elmanyayê mewlûd hat dayîn.

Bi qasî 200 kes li mewlûdê amade bûn. Bavê Mazda Mariya Rahmî Coşkûn li vir axivî û got, "Keça min ne tenê keça min e. Ew keç û şehîda Kurdistanê ye."

Piştre ji dayikên aştiyê Dayika Nazîre peyivî û got, "Weke dayikekê dibêjim, hemû ciwanên di vê oxirê de berdêl dane, ewladên min e."

Mehmet Sûrûçlû jî li vir axivî û destnîşan kir, karê ku niha PDK dike îxanet e. Sûrûçlû her wiha bal kişand ser referandûma li Bakurê Kurdistanê û Tirkiyeyê û ji her kesî xwest, ku bi berpirsyarî rabin.

Di mewlûdê de ji bo Meşa 8'ê Adarê ya roja 11'ê Adarê bi pêşengiya jinan bê lidarxistin, banga tevlîbûnê hat kirin.