Fikarên li ser rewşa tenduristiya Rêberê Gelê Kurd Abdullah Ocalan zêde dibin. Ji parêzerên Ocalan Cengîz Yureklî, Ebrû Gunay û Emran Emekçî û xwişk û birayên Ocalan, Mehmet Ocalan û Fatma Ocalan îro careke din ji bo hevdîtinê serî li Dozgeriya Komarê ya Bûrsayê dan. 

Ji serê hefteyê heta niha bi hincetên "keştî xerabe ye" û "Dema şert û merc guncaw bin em ê hayê we pê bixin" serlêdana malbat û parêzeran hatibû redkirin û her wiha duh jî bi vî awayî "Di şert û mercan de ti guherîn pêk nehatine" serlêdan hatibû redkirin.