Di pêşengtiya Yekîtiya Ciwanên Şoreşger ên Swîsreyê bi sirûda ‘Ji bo şikandina tecrîdê serî hildîn’ ji bo azadiya Rêberê Gelê Kurd Abdullah Ocalan li Helvetîaplatz a Zurîhê çalakiyek kirin.

Di çalakiya tevgera şoreşgerên Tirkiyeyî jî piştgirî kirin de, li gel hildana posterên Ocalan, alên PKK û KCK’ê hatin hildan. Dîsa di çalakiyê de bê navber dirûşên ‘Bê Serok jiyan nabe’ û ‘Bijî Serok Apo’ hate qîrikrin. Çalakî bi deqeyek rêzgirtinê ve destpê kir.

Piştre jî li ser navê Yekîtiya Ciwanên Şoreşger ên Swîsreyê Dersim Koçgirî axivî û da xuyakirin ku li gelemperiya Ewropa bi pêngava ‘Serî Hilde’ ji bo azadiya Ocala dest bi pêngavek nû kirin û bi vê çalakiyê starta çalakiyan tê dayîn. Koçgirî bibîr xist ku wê çalakî bidomin.

Koçgirî bal kişand ser tecrîda li ser Ocalan û got: “Bi salan e tecrîda girankirî li ser Rêbertiya me dom dike. Dixwazin me û Rêbertiya me ji hev bikin. Em vê nêzîkatiyê napejirînin. Heta rêbertiya me azad bibe, em ê li ber xwe bidin. Wê ji niha û şûnde çalakiyên me yên li Ewropayê mezin û bidomin. Em carekî din dibêjin; em ê tecrîdê bişkînin, Rêbertiya xwe azad bikin.”

Piştî axaftinê û şûnde çalakî bi dirûşaman ve bi dawî bû.