Di çarçoveya lêpirsîna Serdozgeriya Komarê ya Enqereyê ya têkildarî "Lêpirsina  Kobanê" de 27 siyasetmedar hatibûn destgîrkirin û jê 20 kes hatibûn girtin.  Danişîna doza 20 jê girtî 37 siyasetmedaran li 3'emîn Dadgeha Cezayê Sulhê hat dîtin. Siyasetmedarên girtî ji Girtîgeha Sîncanê bi rêya SEGBÎS'ê tev li danişînê bûn. Heyetê der barê 20 siyasetmedaran de biryara berdewama girtinê da. Heyetê îro encama biryarê bi parêzeran re pare kir.  

NAV

Siyasetmedarên hatibûn girtin wiha ne: Hevşaredarê Qersê Ayhan Bilgen, Hevseroka Berê ya DBP'ê Emine Ayna, Parlamentera HDP'ê ya berê Ayla Akat Ata, Beyza Ustun, Îbrahim Bînîcî, Berdevkê HDP'ê Gunay Kubilay, Rêveberê HDP'ê Alp Altinors, Rêveberê HDP'ê Nazmî Gur, endamê RTUK'ê Alî Urkut, Hesapgirê HDP'ê yê berê Zeki Çelik, Rêveberê HDP'ê yê berê Bulent Barmaksiz, Can Memiş, Cihan Erdal, Îsmail Şengul, Mesut Bagcik, Bircan Yorulmaz, Dîlek Yagli, Pervin Oduncu, Berfin Ozgu Kose û Ayşe Yagci. 

Wekîla Seroka Koma HDP'ê Meral Daniş Beştaş, anî ziman ku danişîna dozê di 26'ê Kanûnê de hatiye dîtin û bêyî parêzeran îfadeyên wan hatiye girtin.