Meşa dirêj a ji Baselê heta Strasboûrgê ku ji bo şermezarkirina komploya navneteweyî û piştgiriya ji bo berxwedêrên greva birçîbûnê tê lidarxistin, di roja 6'an de ye.

Meşa îro danê sibehê li navenda bajarê Selestad ê Fransayê dest pê kir. Meşvan dirûşmên "Azadî ji Ocalan re", "Bijî berxwedana zindanan" û "Leyla Guven rûmeta me ye" qîriyan.

105 KÎLOMETRE MEŞIYAN

Di meşê de li her bajar, bajarok û gundan li ser tecrîdê û armanca çalakiya greva birçîbûnê belavok hatin belavkirin. Kurdistaniyên li herêmên ku meşvan jê derbas dibin dimînin, tevlî meşê dibin û destekê didin çalakiyê.

Çalakger di nava 5 rojan de 105 kîlometre meşiyan û piştî ku 26 kîlometreyên din meşiyan wê danê êvarê li bajarê Ersteîn ê Fransayê bêhnê vedin.

Her ku meşvan nêzî Strasboûrgê dibin kelecana wan jî zêde dibe.