Endamê Platforma Hunermendên Kurdên Êzidî (PHKÊ), li ber Şaredariya Hannoverê çalakiyek lidar xistin û tecrîda li ser Rêberê Gelê Kurd Abdullah Ocalan şermezar kirin.

Di çalakiyê de hunermendên Kurdên Êzidî, belavoka li ser tecrîda şidandî ya li ser Rêberê Gelê Kurd Abdullah Ocalan amade kirin, belav kirin û radestî Şaredariya Hannoverê kirin.

Di dema çalakiyê de, Berdevkê PHKÊ hunermend Xemdar axivî û bêdengiya raya giştî ya navneteweyî ya li hemberî tecrîdê şermezar kir.

Xemdar got, "Balkêş e herkes qala berxwedana Kurdan dike, lê her kesî çavên xwe li tecrîda li ser afirînerê vê berxwedanê Rêber Apo girtiye."

Hunermend Xemdar da xuyakirin, ku divê her kes baş zanibe, jiyanek bê Ocalan ji bo wan nepêkan e.