Hunermend Abdûrahman Seçer ku bi navê Şarik Apo tê naskirin, saet di 00:05'an de li bajarê Bremen ê Elmanyayê jiyana xwe ji dest da. Seçer ku demeke dirêj bi nexweşiya Hepatît ketibû, ji navçeya Dara Hênê ya Çewlikê bû.
Bavê 3 zarokan Abdûrahman Seçer, demeke dirêj li nava refên têkoşîna azadiyê ya Kurd, karê çand û hunerê dimeşand. Abdûrahman Seçer ji aliyê hezkiriyên xwe ve weke Şarik Apo dihat naskirin. Ji bo Seçer wê heta roja Sêşemê li Mizgefta Şêx Seîd a li Bremenê serdanên sersaxiyê bên kirin. Tê payîn, roja Sêşemê li Bremenê merasîmeke girseyî were lidarxistin û piştre cenaze ber bi navçeya Dara Hênê ya Çewlikê ve were şandin.
