Lêçûna budçeya Tirkiyeyê ku ji bo sala 2017'an 645.1 milyar lîre hatibû destnîşankirin, ji bo sala 2018'an ev hejmar bû 762.8 milyar lîre. Hatineya sala 2017'an 598.3 milyar lîre hatibû pêşbinîkirin û ji bo sala 2018'an bû 696.8 milyar lîre. Valahiya budçeyê sala 2017'an 46.9 lîre bû, sala 2018'an 66 milyar lire xuya dike.

BUDÇEYA JI BO ŞER BI RÊJEYA 41 JI SEDÎ HATE ZÊDEKIRIN

Budçeya ji bo saziyên parastin û ewlekariyê, ku sala 2017'an 64 milyar û 306 milyon û 50 hezar TL bû, sala 2018'an bû 92 milyar û 718 milyon û 151 hezar TL.

Di nava salekê de, di budçeya 9 saziyên ewlekarî û parastinê de bi rêjeya 41 ji sedî hate zêdekirin û 28 milyar û 412 milyon û 101 hezar TL hate zêdekirin. Ji ber ku ev budçeya destpêkê ye dibe ku di nava salê de budçeyeke din jî lê were zêdekirin.

Budçeya ku ji aliyê hikumeta Tirk ve hatiye amadekirin û pêşkêşî civata giştî ya Meclîsê hate kirin, nîşan dide ku Tirkiye ji bo sala 2018'an amadekariya şerekî nû dike.

Li gorî budçeya sala 2018'an, hejmara ku ji hin saziyan re bê veqetandin wiha ye:

Wezareta Parastinê ya Milî:  40.4 milyar TL

Rêxistina Îstîxbaratê ya Milî: 2 milyar 335 milyon

Wezareta Karên Hundir: 7 milyar 300 milyon

Fermandariya Giştî ya Jendermeyan: 13 milyar 311 milyon 208 hezar

Midûriyeta Giştî ya Emniyetê: 27 milyar 792 milyon 655 hezar

Fermandariya Ewlekariya Peravan: 682 milyon 700 hezar

Musteşariya Ewlekariyê û Sîstema Cemaweriyê: 18 milyon 373 hezar.

Serokatiya Karên Diyanetê: 7.7 milyar TL

Wezareta Edaletê13.7 milyar TL

Wezareta Perweriya Milî: 92.5 milyar TL

Wezareta Tenduristiyê û saziyên pêwendîdar: 37.5 milyar TL

Wezareta Çand û Tûrîzmê: 3.9 milyar TL

Wezareta Polîtîkayên Civakî û Malbatê: 26.7 milyar TL

Wezareta Bajarvanî û Hawirdorê: 1.9 milyar TL

Wezareta Spor û Ciwanan: 14.1 milyar TL

Serokkomarî: 845 milyon 365 hezar