Girtiyên li Girtîgeha Şakranê ya Alîaga ya Îzmîrê, ji bo dawî li binpêkirina mafên mirovan bê anîn, tecrîda li ser Rêberê Gelê Kurd Abdullah Ocalan bê rakirin û azad bibe, ev 20 roj in di greva birçîbûnê ya bêdem û bêdorveger de ne.

Girtiyan bi rêya parêzerên xwe peyamek şandin û qala sedemên çalakiya xwe kirin.

Peyama girtiyan wiha ye:

"Weke girtiyên ji doza PAJK û PKK'ê, ji 15'ê Sibatê û vir ve em di greva birçîbûnê ya bêdem û bêdorveger de ne. Ji bo tecrîda li ser Rêberê me û Rewşa Awarte bê rakirin û danûstandinên çareseriyê bên destpêkirin, em 8 mêr û 5 jin ketin greva birçîbûnê. Li girtîgehên din jî girtî li pey hev tevlî çalakiyê dibin. Pêkanînên dema dawî yên bi Rewşa Awarte û Biryarnameyên di Hukmê Qanûnê de ketine meriyetê, ne yên xwelêragirtinê ne. Em bang li tevahiya gelê xwe û raya giştî dikin, ku bala xwe li ser mijarê be. Girtiyên PKK û PAJK'ê."