Seroka Konseya Navendî ya Yekîtiya Tabîbên Tirk (TTB) Şebnem Korûr Fincanci û endamên konseya navendî, bi wesîleya 14'ê Adarê Cejna Tibê, kedkarên tenduristiyê yên di erdhejê de jiyana xwe ji dest dane, bi bîr anîn.

Endamên Sendîkaya Kedkarên Tenduristî û Xizmeta Civakî (SES) û rêveberên Odeyên Tabîban ên Mêrdîn, Amed, Manîsa û Îzmîrê beşdarî daxuyaniyê bûn.

Fîncancî, diyar kir ku ew ê di sîstema nû ya tenduristiyê ya gel û sosyalîst de israr bikin û got, “Tişta ku bi salan e em dibêjin, bi şewbê re eşkere bû. Me stûyê xwe xwar nekir û em ê nekin jî.”

Fîncancî wiha berdewam kir: “Di serdemên 'asayî' de jî divê ji rewşên awarte re amade bin, careke din me dît ku gel bi tena serê xwe hatine hiştin. Em bi salan e dibêjin lê Wezareta Tendirustiyê guh nedida ma, ji ber îxmala wan bi deh hezaran mirovên me jiyana xwe ji dest dan.”