Hesaba malpera tevn.org ya tora civakî facebookê ji aliyê rêveberiya Facebookê ve bêy ku hinceteke nîşan bidin girt.

Malpera tevn.org daxuyaniyek nivîskî da û da diyarkirin ku, êrîşên li ser çapemeniya azad ya Kurd û azadiya fikir bê navber berdewam dikin. Hêzên derdor û navnetewî ku bi tu awayî naxwazin gelê Kurd bigeha azadiya xwe û her wiha li hemberî destkeftiyên gelê Kurd ên bidest xistine xwe ranagirin, bi hemû aliyan ve êrîş dikin.

Malperê balkişande ser hevkariya di navbera dewleta Tirk û rêveberiya Facebookê de got; “Weku beriya vê jî di çapemeniyê de têkiliyên hevpar ên di navbera dewleta Tirk û rêveberiya Facebookê ên li ser gelê Kurd derketibû holê, di berdewama van êrîş û bêtehemuliya li hemberî azadiya gelê Kurd û azadiya fikir hesaba me ya tora civakî ya facebookê bêy ku hinceteke nîşan bidin girtin.” Malperê da diyarkirin ku, we dê tucarî li hemberî van êrîş û zextan bêzar nebin û ew dê bi awayek hin çalaktir têkoşîna xwe berdewam bikin û ragihandin ku, wan hesabek din ya tora civakî ya facebookê ya binavê ‘ https://www.facebook.com/pages/TEVN/584095038294415 ’vekirine.