Endamên KESK’ê serdana sifreya fitarê ya malbata Şenyaşar kir
Endamên KESK’ê fitara xwe bi malbata Şenyaşar re vekirin ku li ber Edliyeya Rihayê têkoşîna edaletê didin.
Endamên KESK’ê fitara xwe bi malbata Şenyaşar re vekirin ku li ber Edliyeya Rihayê têkoşîna edaletê didin.
Xizm û parazvanên Parlamenterê AKP’ê yê Rihayê Îbrahîm Halîl Yildiz di 14’ê Hezîrana 2018’an de li navçeya Pirsûs a Rihayê êrişî Malbata Şenyaşar kiribûn. Di encama êrişê de hevjînê Emîne Şenyaşarê û du kurên wê hatibûn qetilkirin. Li ser vê yekê Emîne Şenyaşar û kurê wê Ferît Şenyaşar di 9’ê Adara 2021’ê de li pêşiya Edliyeya Rihayê dest bi çalakiya Nobeta Edaletê kiribûn. Çalakiya Malbata Şenyaşarê di roja 735’an de berdewam dike.
Emîne Şenyaşar û Ferît Şenyaşar çalakiya xwe heya wextê fitarê domandin. Sendikayên girêdayî Konfederasyona Sendîkayên Karkerên Cameweriyê (KESK) ên Rihayê serdana Nobeda Edaletê ya malbata Şenyaşarê kirin û bi hev re fitara xwe kirin.
‘EM Ê BI HEV RE BÊ EDALETIYÊ DERBAS BIKIN’
Di serdanê de Hevserokê şaxên KESK’ê Mahmût Bînîcî axivî. Bînîcî diyar kir ku têkoşina edaletê ya malbata Şenyaşarê dê rojekê encam bigre û wiha got: "Em bi hêvî ne ku pêkhatina edaletê jî nêz e. Em ê bi piştevaniyê ji heq van rojên biêş derkevin û piştgiriya têkoşîna edaletê ya malbata Şenyaşarê bikin. Em ê bi hev re vê bê edaletiyê derbas bikin. Ji bo siberijê bûyereke wiha çênebe, em vê têkoşîna malbatê pîroz dikin û ji bo wan doza edaletê dikin."
Ferît Şenyaşar jî ji bo serdanê spasiya KESK'ê kir û got: "Me ji bo edaletê daxwaz ji desthilatê jî kir, lê pêk nehat. Lê em bawerin ku ger desthilat biguhere wê edalet pêk were."