Doza KCK'ê ya Dihê ku 9 kes tên darizandin hat dîtin. Heyetê der barê 9 kesan de 105 sal û 8 meh cezayê girtîgehê û 74 hezar TL cezayê pereyan birî.

Rûniştina doza KCK'ê ya Dihê ku 9 kesên di sala 2010'an hatibûn girtin li 6'emîn Dadgeha Cezayên Giran a Amedê hat dîtin. Heyetê piştî li îfadeyên siyasetmedaran guhdar kir der barê 9 kesan de ceza birî. Heyetê der barê siyasetmedarên girti Ramazan Batur, Serdar Batur, Yusuf Demir, Yusuf Ozturk, Omer Ozbay, Abdurrahim Demîr, Meas Erdemci, Aytekin Kayran û Bahattin Atabay de ji bo her kesekî cuda cuda bi îdîaya "li gel ku ne endamên rêxistinê ne li ser navê rêxistinê ne sûc kirine 6 sal û 3 meh, bi îdîaya "teqemenî li ser xwe bar kirine 3 sal û zerar dane mal 2 sal û 6 meh û 8 hezar û 320 TL cezayê pereyan birî. Heyetê bi tevahi der barê 9 kesan de 105 sal û 8 meh cezayê girtîgehê û 74 hezar û 880 TL cezayê pereyan birî.