Li paytexa Hollanda Amsterdamê çalakiya ji bo azadiya fizîkî ya Rêberê Gelê Kurd Abdullah Ocalan û şermrezarkirina komkujiyên li Bakurê Kurdistanê, di roja 3. de ye.

Di daxuyanî û belevokên li çalakiyê de bang li Yekîtiya Ewropa (YE) hate kirin û wiha hate gotin: "Nebe şirîkê binpêkirina mafên mirovan ên li Tirkiyeyê; hemû peymanên ku bi Tirkiyeyê re hatine kirin bila betal bibin; ji bo Tirkiye gavên demokratîk bavêje bila YE gavan bavêje."

Di çalakiyê de hate xwestin, tecrîda li ser Ocalan rabe û êrîşên komkuj ên li Bakurê Kurdistanê hatin şermezarkirin.

Her wiha belavokên bi zimanên Îngilîzî û Hollandî hatin xwendin û wêneyên Hûrşît Kulter û şehîdên 14’ê Tîrmehê hatin rakirin.

Helbestvan Mehmet Çetîn jî berxwedana 14’ê Tîrmehê nirxand.

Çalakî wê roja Duşemê saet di 14:00 de li Amsterdamê bi bîranîna berxwedêrên 14'ê Tîrmehê wê biqede.