Dewleta Tirk a ku êrîşî Serêkaniyê dike agirbestê binpê dike
Berpirsyarê Têkiliyên Derve yê QSD'ê Rêdûr Xelîl diyar kir ku dewleta Tirk ji sê baskan ve êrîş dike û bi vî rengî agirbestê binpê dike.
Berpirsê Têkiliyên Derve yê QSD'ê Rêdûr Xelîl got, dewleta Tirk a dagirker li rojhilatê Serêkaniyê ji gundên Menacir, Esediye û Mişrafê êrîşeke berfireh daye destpêkirin û ji ber vê jî li herêmê şerekî giran heye.
Xelîl diyar kir dewleta Tirk a dagirker li gel çeteyên xwe bi van êrîşan agirbest binpê kirine û got, "DYA ya ku bi pozîsyona garantorê vê agirbestê ye divê demildest van êrîşan bide rawestandin."
