Îdîanameya der heqê Hevseroka Giştî ya DBP’ê Sebahat Tûncel de hat amadekirin ku 135 sal cezayê hepsê tê xwestin, ji hêla 8’emîn Dadgeha Cezayê Giran a Amedê hat qebûlkirin. Tûncel, bi hinceta tevlîbûna 16 çalakî û aktîvîteyên salên 2012-2016’an, daxuyaniyên ku di civînên Meclîsa Partiyê de dayî û ji ber tevlî civînên Kongreya Civaka Demokratîk (KCD) bûye, bi “endamtiya rêxistinê” û “propagandakirina rêxistinê” tê sûcdarkirin.

Rûniştina yekem a doza Tûncel wê di rojên pêş de eşkere bibe.

PARÊZER OZEN: EM Ê ÎTÎRAZ BIKIN

Ji parêzerên Tûncel Şivan Cemîl Ozen îdîaname nirxand, bal kişand li ser hewldana krimînalîzekirinê û got wê ji bo berdana Tûncel îtîrazên pêwîst bikin.