Peyama Hevserokê Giştî yê HDP’ê Selahattîn Demîrtaş a ji bo Mam Celal wisa ye:

“Ji ber wefata Mam Celal ê ku herî dawîn sala borî li Silêmaniyê me hev dîtibû, ez gelekî xemgîn bûm.

Wefata Celal Talabanî yê ku ligel hemû zext û zordariyan dev ji têkoşîna xwe berneda û hemû jiyana xwe da têkoşîna wekhevî û azadiyê ya gelê Kurd, ne bi tenê ji bo Kurdan ji bo hemû mirovayetiyê bûye sedema xemgîniyê.

Bila rehma Xwedê li Celal Talabanî be yê ku ew ê tu carî cihê wî neyê tijîkirin û ez sersaxiyê ji hemû hezkiriyên wî û ji gelê Kurd re dixwazim.”