Di rapora cemiyetê ya bi sernavê "Azadiya raman û çapemeniyê" de, ku Yekîtiya Ewropayê piştgiriyê dide, bal hat kişandin ser zêdebûna binpêkirina azadiya çapemenî û ramanê ya li Tirkiyeyê.

Li gorî nûeçya Şeyma Paşayîgît a ji rojnameya Cûmhûriyetê, di raporê de hate ragihandin ku tevî 159 rojnamevanên girtî, 123 rojnamevan jî di rewşeke "qaçax" de ne.

Însiyatîfa Rojnamevanên Azad jî roja 16'ê Gulanê daxuyaniyek weşandibû û ragihandibû, ku bi girtina berpirsyarê weşana giştî ya malpera înternetê ya rojnameya Cûmhûriyetê Ogûz Guven re hejmara rojnamevanên li Tirkiyeyê girtî de gihîştiye 171 kesî.

Tirkiye, ji bo rojnamevanan bûye girtîgeha herî mezin a li cîhanê. Di rapora sala 2016'an a Freedom Hoûse de, Tirkiye bi 4 rêzên li paş ket û bi 76 pûan cihê xwe di rêza 163. de girt. Li Ewropayê jî di rêza 42., di rêza dawî de cih digire.

Di rapora sala 2016'an a Rêxistina Rojnamevanên Sînornenas de, ev paşmayîn bi rengekî zelal hate dîtin.

Ji aliyê azadiya çapemeniyê ve Tirkiye di nava 12 salan de bi 57 pêlikan daket û di nava 180 welatan de cihê xwe di rêza 155. de girt.

Li gorî rapora Civata Rojnamevanên Tirkiyeyê, di çar mehên destpêkê yên sala 2017'an de 46 lêpirsîn û 20 dozên nû hatine vekirin.