Kampanya îmzayan ya ji bo azadiya Rêberê Gelê Kurd Abdullah Ocalan ji aliyê Înîsiyatîfa Aştiyê Navnetewî (IPI) ve hatî destpêkirin didome.

Duh li bajarê Basel yê Swîsreyê ciwanên Kurd îmza komkirin. Komek 10 kesî ya ciwana li ber Parlementoya Swîsreyê ya li Baselê bi sedan îmza komkirin.

Piştre ciwan çûn postaxaneyê û kartpostayên ku bi daxwaza demildest kujerên komkujiya Parîsê ji damezirênerên PKK’ê Sakîne Cansiz, Nûnera KNK’ê ya Parîsê Fîdan Dogan û endama Tevgera Ciwanan Leyla Şaylemez bêne dîtin ji rayedarên Fransayê re şandin.