Ciwanek li Stenbolê ji aliyê polîsan ve hate kuştin
Bi îdîaya ku guh nedaye hişyariya "bisekine", polîsên Tirk ciwanê 17 salî Cîhan Seyhan li Stenbolê kuştin.
Bi îdîaya ku guh nedaye hişyariya "bisekine", polîsên Tirk ciwanê 17 salî Cîhan Seyhan li Stenbolê kuştin.
Li taxa Mûstafa Kemal a navçeya Ataşehîrê ya Stenbolê, polîsan xwestin li kolana 3007'an wesayitekê bisekinîne. Hate îdîakirin ku wesayit li ser hişyariya 'bisekine' nesekiniye û polîsan gule lê reşandine. Ji ber êrîşa polîsan Seyhan ê 17 salî mir.
A.S. ê di heman wesayitê de bû hate destgîrkirin. G.S. ê ku wesayit diajot, bi peyatî ji cihê bûyerê reviya.
Di navbera hevalên Cîhan Seyhan ê hatin nexweşxaneyê û polîsên Tirk de rageşî derket. Ji bo otopsiyê cenazeyê Seyhan rakirin Saziya Tipa Edlî ya Yenîbosnayê.