Li navçeya Nisêbîn a Mêrdînê di serdema “qedexeya derketina kolanan” a 26’ê Gulana 2016’an de 17 jê zarok ji bo her kesê 75 caran cezayê heta heta yê giran tê xwestin. Piştî destgîrkirinê 17 zarok jî hatibûn girtin. Danişîna 4’emîn a doza zarokan li 4’emîn Dadgeha Cezayê Giran a Mêrdînê pêk hat. Tenê du zarok beşdarî dozê bûn û 15 zarok ji ber SEGBÎS nehat girêdan beşdarî rûniştinê nebûn.

Parêzer û malbatên zarokan jî doz şopandin. Darizandin ji çapemeniyê re girtî pêk hat.

Du zarokên tevlî  rûniştinê bûn berdana xwe daxwaz kirin.

Parêzeran jî parastina miwekîlên xwe kirin û gotin ji hinceta girtina wan ji ber ew li Nisêbînê bûne û ti delîlek sûcên xistine stûyê wan jî tine ye.

Dozger xwest zarok girtî bên darizandin. Heyeta dadgehê jî ji bo kêmasiyên di dosyeyê de temam bibin û şertê kontrola edlî kêm bimîne biryara dewama girtina zarokan da.

rûniştin taloqî 15’ê Mijdarê hat kirin