Serokkomarê Tirk Recep Tayyîp erdogan li Civîna Berfireh a Serokên Bajarn ên AKP'ê ya li Navenda Giştî ya AKP'ê axivî.

Erdogan di axaftina xwe de anî ser wê yekê ku li Efrînê encam negirtine û got, "Em li bendê ne ku operasyon wê ji niha û pê ve hê bi lez be." Erdogan ji bo serneketina xwe jî ev bahane anî ziman: "Hewa ne xweş e. Ev têkoşîn di nava berf, bahoz, mij û dûmanê de tê kirin. Berf, bahoz, firtone ne xema leşkerên me ne."

'STRATEJIYA NÛ...'

Erdogan di dewama axaftina xwe de anî ziman ku pêwîstiya wan bi stratejiyeke nû heye û got, "Em ê tavilê dor li navenda bajarê Efrînê bigirin û piştî ku têkiliya terorîstana  bi derve re hate birîn em ê operasyonê bi stratejiyeke nû bimeşînin."

Di vê navberê de bahaneya "hewa ne xweş e" ya Erdogan jî ne rast e. Li Efrînê tavik e û carna baraneke hûrik dibare. Ji bilî vê berf û bahoz nîne. Germahî jî 15-17 pile ye.