Artêşa Iraqê li Mexmûrê dest bi operasyonê kir
Artêşa Iraqê danê vê sibehê saet di 05:00 de li eniya Mexmûrê li dijî DAIŞ'ê operasyonek da destpêkirin. Operasyon bi piştgiriya balafirên koalîsyonê tê meşandin.
Di daxuyaniya artêşa Iraqê de hat ragihandin, yekîneyên artêşê xwe gihandine nava gundê Mehane yê li herêma Giyara.
Li gorî daxuyaniyê, operasyon li eniyên bakur û başûr ên Mexmûrê hatiye destpêkirin.
Artêşa Iraqê di operasyoneke xwe ya beriya niha li heman herêmê meşandî de gundên Kordîle, Xerbedan û Mehane ji çeteyên DAIŞ'ê derxistibû. Şêniyên gund jî koçî Başûrê Kurdistanê kiribûn.
