Nûnerên sazî û rêxistinên Kurd ên li Ermenîstanê, li paytexta Êrîvanê daxuyaniyeke hevpar dan çapemeniyê û piştgirî dan berxwedana Efrînê.

Bi navê saziyan; Serokê Şêwra Kurdên Ermenîstanê parlamenterê Kurd Kinyasê Hemîd, Seroka Kurdistan Komîte Jinika Qadir, Endamê Avakar ê Meclîsa Şengalê Silo Durboyan, Endamê Kongreya Êzidiyan Esengê Şêx Tahir li civîna çapemeniyê axivîn.

Parlamenter Kinyasê Hasenov (Kinaysê Hemît) destnîşan kir ku ew êrîşên dewletên Tirk û Rûs ên li ser Efrînê bi tundî şermezar dikin û got, "Efrîn a kal û pîrê Kurdan e û wê timî bi vî rengî bimîne."

Hemît bang li rêxistinên Kurdan kir ku li dijî vê êrîşkariyê li hev bicivin û bibin tifaq.

Seroka Kurdistan Komîte Jinikq Qadir got, "Bila dewletên Rûs û Tirk baş zanibin ku Efrîn û gelê Efrînê ne bi tenê ye. Efrîn warê Efrîniyan e."

Şêx Tahir jî bang li dewleta Rûsyayê kir ku dest ji durûtiya xwe berde û got, bazara li ser xwîna Kurdan wê ti carî Rûsyayê bi ser nexîne.

Silo Durboyan jî berxwedana gelê Efrînê silav kir û got, ew bi berxwedana serdemê re ne.