Her 5 bergên pirtûkên Manîfestoya Şaristaniya Demokratîk a ji aliyê Rêberê Gelê Kurd Abdullah Ocalan ve li Girtîgeha Îmraliyê hatiye nivîsandin, bi çapeke nû û şêwazekî nû bi zimanê Farisî gihişte ber destê xwîneran.
Navenda Belavkirina Bîr û Ramanên Ocalan ji bo xwendekar xwe bi hesanî bigînin pirtûkên Rêberê Gelê Kurd Abdullah Ocalan ên Manîfestoya Şaristaniya Demokratîk a her 5 bergan bi dîzayn û şêweyekî nû bi zimanê Farisî hate çapkirin û belavkirin.
Bi vê çapa nû re bû cara sêyemîn her 5 bergên pirtûkên Ocalan ên Manîfestoya Şaristaniya Demokratîk bi zimanê Farisî tên çapkirin. Pirtûk ji aliyê Aras Karox ve bi zimanê Farisî hatiye wergerandin û Rêbûwar Abdanan jî li ber çavan re derbas kiriye.
Pirtûk li weşanxaneyên Rehend, Xezelnûs û Roman ên bajarê Silêmaniyê li benda xwendekaran in.
Navê pirtûkan wiha ne:
Pirtûka 1: Şaristanî (Serdema Qralên Piştperdeyê û Xwedayên bi Maske)
Pirtûka 2: Şaristaniya Kapitalîst
Pirtûka 3: Sosyolojiya Azadiyê
Pirtûka 4: Li Rojhilata Navîn Krîza Şaristaniyê û Çareseriya Şaristaniya Demokratîk
Pirtûka 5: Parastina Kurdên Di nava Pencên Qirkirina Çandê De, Pirsgirêka Kurd û Çareseriya Neteweya Demokratîk.
