Polîsan li bajaroka Asarlikê ya navçeya Menemenê ya Îzmîrê di ser malekê de girt. Di dema serdegirtinê de welatiyê biryara binçavkirinê heyî ji destê polîsan reviya û li ser vê yekê polîsan 4 kesên li malê binçavkirin.

Lî bajaroka Asarlikê ya navçeya Menemenê ya Îzmîrê polîsan bi wesayîtên zirxî û TOMA'yan di ser malekê de girt. Hate ragihandin ku, dema polîsan welatiyê bi navê Îsmaîl Candemîr ê ku biryara wî ya binçavkirinê heyî binçavkir ji nav destên polîsan reviya. Li ser vê yekê polîsan bi hînceta Pinar Candemîr, Îzzet Candemîr, Tekîn Kiliç û Yaşar Uzun alîkariya revîna Candemîr kirin binçavkirin û birin Qereqola Asarlikê. Hate hînbûn ku, li Qereqola Asarlikê Pinar Candemîr û Tekîn Kiliç serbest hatin berdan û Yaşar Uzun û Îzzet Candemîr jî birin Midûriyeta Polîsan a Menemenê.

Sedema hewildana binçavkirina Îsmaîl Candemîr nehate zanîn.