10 HDP'yiyên destgîrkirî greva xwe ya birçîbûnê didomînin
10 HDP'yiyên ji bo piştgiriya Leyla Guven dest bi greva birçîbûnê kirin, lê belê ji aliyê polîsên Tirk ve hatin destgîrkirin, çalakiya xwe li qereqolê didomînin.
Hevseroka KCD'ê û Parlamentera HDP'ê ya Colemêrgê Leyla Guven, li dijî tecrîdkirina Rêberê Gelê Kurd Abdullah Ocalan 27 roj in di greva birçîbûnê de ye. Ji bo destekkirina Guven, roja 2'ê Kanûnê li avahiya HDP'ê ya bajarê Mersînê greva birçîbûnê dest pê kiribû. Lê belê polîsên Tirk êrîş biribûn ser grevê û 10 çalakger destgîr kiribûn.
HDP'yiyên li Şaxê TEM'ê yê Midûriyeta Emniyetê ya Mersînê tên hiştin, greva xwe ya birçîbûnê didomînin.
