Êrîş roja 9'ê Gulanê li bajarokê Aynkef ê ser bi navçeya Kercews a Êlihê rû da. Cerdevanê berê yê 67 salî A.E., bi tivingê gule berda du zarokên cîranê xwe û ew birîndar kir.

Zarok rakirin Nexweşxaneya Dewletê ya Herêmê ya Êlihê. Ji van zarokan Vedat Dundar K. ê 14 salî êvara Duşemê jiyana xwe ji dest da. Cenazeyê wî li goristana bajarok hate veşartin.

Rewşa tenduristiyê ya E.K. ê 16 salî jî giran e.

Walîtiya Tirk a li Êlihê rojek piştî bûyerê daxuyanî da û got, "Gumanbarê bûyerê cerdevan nîne, kesê bi navê A.E. ê aqlê wî ne temam e û hatiye girtin."

Bav Hayrettîn K. jî got, cerdevanê berê yê li zarokên wî reşand, cerdevanê berê ye û aqlê wî jî temam e.