Yekîneyên Parastinê yên Rojhilatê Kurdistanê (YRK) nasnameya 2 hevrêyên xwe yên şehîd bûne parve kir.

Daxuyaniya YRK'ê ya li ser mijarê bi vî rengî ye:

"Hevrêyên me Kemal Hewramî û Têkoşer Çilçeme 11'ê Çileyê 2023'an de dema ku li ser erka xwe bûn, hin cehşên xiyanetkar ku dijminê welatê xwe ne, bi rengekî bêbext alîkariya rejîmê dagirker kirin û li hember hevreyên me komplo pêk anîne. Di vê bûyera elem de hevalên me Kemal Hewramî û Têkoşer Çilçeme dema ku li ser erka xwe bûn, di wesayita ku tê de bûn de rûbirûyê êrîşek hatin û herdu hevreyên me jî şehîd bûn. Ji ber şert û zirûfên zivistanê derfeta ji qadan agahî girtin kêm e, dereng agahî gihaşt me û îlankirina van şehîdên bi nirx jî dereng ma. Ji bo vî jî em di serî de ji malbatên şehîdên xwe û piştre jî ji gelê xwe lêborînê dixwazin. Em wek gerîlayên Rojhilatê Kurdistan bi şehadetê hevreyên xwe gelek xemgîn bûn, kîn û nefreta me ya li hember xiyanetkaran û li hember dijminên dagirker tûjtir bû. Li ser van esasan soza ku me dane şehîdên xwe em dubare dikin û heta ku armanca van şehîdan pêk bînin em ê bêrawestan têbikoşin. Her wiha ew kesên xayîn ku destê wan ketiye xwînê hevreyên me em ê hesab bipirsin û tola şehîdên xwe li erdê nehêlin. 

Nasnameya şehîdan bi vî rengî ye;

Nav û Paşnav: Babek Rahmetî
Nasnav: Kemal Hewramî
Cih û Dîroka Beşdarbûnê: Hewreman - 27.04.2016 
Cih û Dîroka Şehîdbûnê: Mukuryan - 11.01.2023

Nav û Paşnav: Sîna Muradî
Nasnav: Têkoşer Çilçeme
Cih û Dîroka Beşdarbûnê: 29.09.2017 - Çilçeme
Cih û Dîroka Şehîdbûnê: Mukuryan – 11.01.2023

Di derbarê hevreyên me de agahî; 

Heval Kemal Hewramî di nav çand û dîroka dewlemend, kevnar ya Hewreman de çavên xwe ji dinya re vekir û li ser vê bingehê mezin bû, teşe girt. Çanda Hewramî ku herî zêde para xwe ji cewhera mirovahî girtiye û parastiye bi rengekî şênber şexsiyeta heval Kemal ava kiriye û ji bo ku bibe kesayetek pêşeng ê civakê ew amade kiriye. Heval Kemal di ferqa vê rastiyê de mezin bû û her tim xwe li hember gelê xwe berpirsyar dît. Bi taybetî dema ku ji ber bê derfetiyên aborî çû xerîbiyê û kar kir wê demê fam kir û zanebûna wî ya di hêlê rastiya civakê û rastiya dijmin de zêdetir bû û bi rengekî şênber dît ku heta têkoşînek, şerek neyê kirin ev dagirkeriya li ser Kurdistan û ev ne edaletiya ku li giştî cihanê bi rê ve diçe bi ti awayî nayê çareserkirin. Wê demê biryarê dide û beşdarî nava refên Apoyî dibe. Heval Kemal ji kêliya destpêkê heta roja şehadetê bi zanebûn, bi wêrekî şoreşgerî kir û her tim hewil da xwe di asta mîlîtantiya Apoyî de bi pêş bixe û bibe yek ji nûnerê felsefeya Apoyî. Di her dem û cihî şoreşgeriya xwe bi ruhê fedaî bi ciha nî, têkoşiya û her tim di pratîkên dijwar de li nav karên zehmet cih girtin. Ev yek ji xwe re kir esas. Ji bo vî jî di têkoşîna Rojhilatê Kurdistanê û Îranê de pijiya, xwe mezin kir û bû yek ji fermandarên vî şerê dîrokî. Bû qehremanek ku rêya hevrêyên xwe û rêya civak ronî dike. 

Heval Têkoşer Çilçeme di nav nêvengeke ku welatperweriya xwe bi hêz e û motîfên çanda Kurdî her tim zindî ye hate dinyayê û li ser vê koka dewlemend şîn bû, teşe girt. Hîna di temenekî biçûk de rastiya Kurdistanê ku ji çar alî de hatiye dagirkirin û her kêlî rûbirûyê qirkirinê ye dît, fam kir û kete lêgerîna têkoşîna li hember vê rastiyê. Ev lêgerîn ew anî heta refên tevgerê Apoyî. Ji ber pir baş dizanibû yê ku li hember vê dagirkeriyê têkoşînek rasteqîn dimeşîne û îdîayê serketinê datîne tevgera azadiyê ye û ev tevger bi fikir û ramanên Rêber Apo kêlî bi kêlî vî şerî mezin dike, destketiyan bidest dixe û şerê xwe ya li hember vê pergalê desthilatdar mezintir dike. Heval Têkoşer di nav vê dînamîzmê de bi rengekî aktîf cih girt, pêşengî kir. Bi şoreşgeriya xwe bû yek ji mîlîtîna xeta Apoyî û li her qad û xebata ku lê ma bi azmek mezin pratîk meşand. Bi hevaltiya xwe ya kûr û bi wate di dilê her hevalek de cihekî bê emsal çêkir. Bi kesayeta xwe ya piralî gerîlatiya modernîteya demokratîk meşand û ji bo hemû hevreyên xwe bû mînak."