Koordînasyona Giştî ya YPS'ê li ser encamên çalakiyên li Amedê daxuyaniyek weşand.

Di daxuyaniyê de ev agahî hatin dayîn:

"Roja 16'ê Çileyê saet di 16:30 de, li cihekî nêzî Zanîngeha Dîcleyê ya li navçeya Sûr a Amedê, yekîneyên me li dijî otobuseke hêzên polîsan a di rê de bû çalakî pêk anîn. Ev çalakî bi wesîleya 1. salvegera damezrandina YPS'ê û ji bo bîranîna endamên me Bager, Zanyar û Dirêj ji aliyê Tîma Tolhildanê ya Şehîd Delîl ve hate lidarxistin.

Li dijî otobusa polîsan a di rê de bû çalakiya sabotajê hate lidarxistin û di encamê de otobus bi giranî îmha bû. Di çalakiyê de 8 polîsên qesrê hatin kuştin, 8 jî birîndar bûn ku birîna 3 ji wan giran e. Bi 22 ambûlansan, ku helîkopter jî bi wan re hatin, mirî û birîndar ji cihê çalakiyê hatin rakirin.

Paralelî vê çalakiyê, baskekî din ê yekîneyê, li polîsên ji bo teqwiyeyê hatin ji cihekî nêz lê dan. Piştre derbên xweş li tîmên taybet ên polîsan jî hat xistin. Li vir 2 polîsên tîmên taybet hatin kuştin, 8 jî birîndar bûn.

Di heman demê de li Sûrê 2 qemyonên ji bo dewletê dixebitîn hatin sekinandin û şewitandin.

Di şeva 14'ê Çileyê saet di 02:00 de, li ser rêya navbera taxên Kaynartepe û Mûradiye yên navçeya Karazê, yekîneyên me li 2 polîsên tîmên taybet û nobedarekî xistin. Di encamê de polîsek û nobedar birîndar bû."