Di daxuyaniya Koordînasyona YPS'ê de hate gotin, "Gelê me ku gef li ser hebûna wî heye û azadiya wî ji dest hatiye girtin, bi pêşengiya Rêber Apo 50 sal in ji bo azadiyê şer dike."

YPS'ê destnîşan kir ku ev şer şerê parastina hebûnê, şerê azadiyê ye" û wiha dewam kir:

'PLANÊN WAN JI ÇIYAGERAN VEGERIYAN'

"Dewleta Tirk a faşîst ji roja ku ava bûye û vir ve bi siyaseta tehcîr, îskan, asîmîlasyon û komkujiyê hewl dide gelê Kurd ji binî ve tune bike. Bi plana 'Çoktewandinê' ya sala 2014'an re, koalîsyona faşîst a AKP-MHP-Ergenekonê ji barbarên herî mezin jî barbartir, il ser bingeha vê planê li tevahiya Kurdistanê dest bi êrişên bêperwa kir. Ji wan hebû ku wê çokê li gelê Kurd û Tevgera Azadiyê ya Kurd bitewînin, teslîm bigirin. Ev planên wan li Çiyageran qelimî û ji hev ket. Hevalê Çiyager li Sûrê serî li dehan tabûrên artêşa dewleta Tirk tewand.

Roja ku Heval Çiyager tevlî nava refên Têkoşîna Azadiyê bû, roja destpêkirina serînetewandinê bû. Fermandarek bû ku li tevlîbûna li nava jiyanê, coş, kelecana xwe û dilsoziya bi armanca azadiyê ya gelê Kurd li her cihî nîşan dida. Ew li kana fedayî ya PKK'ê mezin bû û jiyana xwe kir gorî doza azadiyê ya gelê xwe. Cewherê xeta Apoyî bû.

'HEVRÊYÊN ÇIYAGER LI GARÊ LÊ DAN'

Vî fermandarê fedayî li dilê Kurdistanê li navçeya Sûrê ya Amedê, bi dil, îrade û baweriya ciwanên Kurd, li dijî hêzên leşkerî yên dewleta Tirk ku xwe weke yek ji artêşên bijartî yên cîhanê dibîne, li her bedena Sûrê ala berxwedanê hilda, teslîmiyet red kir û berxwedaneke ku li xemla Sûrê tê nîşan da. Berxwedana wî û ciwanên Kurdistanê yên ku ketin bin bandora wî, ruhê berxwedêr ê Çiyarger herî dawî di şerê Garê de nîşanî dost û dijminan dan. Hevrêyên Çiyager bi derfetên xwe yên kêm, ev artêşa bi milyonek endamên xwe ya NATO'yê, li gel teknîka wê li Garê têk birin. Çiyager fermandarekî welê bû ku çok nedatanî, lê çok dida tewandin. Em; şopdarên wî em ê ti carî serî netewînin."

'DEM DEMA GERMKIRINA DEVÊ TIVINGA WÎ YE'

Koordînasyona YPS'ê destnîşan kir ku Çiyager ê bi mehan li ber xwe da, ji bo her kesên ber bi serketinê ve dimeşin pêşeng û rêber e û wiha dewam kir:

"Di serî de em û ciwanên Kurdistanê hemû, divê xwe li dora wan awirên fethkirinê yên Çiyager bicivînin, tola şehîdên ku çok netewandin hilînin. YPS mîrateya Çiyageran e. Em; hevrêyên wî hewl didin bibin hêjayî vê mîrateyê. Em bang li ciwanên Kurdistanê hemûyan dikin ku xwedî li vê mîrateyê derkevin. Çeka ku lûleya wê cemidiye serketinê nîne. Hevalê Çiyager bi vê zanî bû, lewma heta kêliya ku şehîd bikeve lûleya tivinga wî qet necemidî. Dem hatiye ku em devê tivinga wî ya ku li Sûrê qet necemidî careke din li Kurdistanê û metropolên Tirkiyeyê germ bikin. Mîna ku fermandarê me yê pêşeng heval Çiyager got, 'çi dibe bila bibe, encam wê bêhempa be'. Em ê vê yekê dema bê di pratîka xwe de şênber bikin."