YNK: Bi belge ye ku li Behdînan û Hewlêrê nelirêtî hatiyek kirin
Piştî hilbijartina parlamentoyê ya Başûrê Kurdistanê têkilî nelirêtiyan daxuyanî tên.
Piştî hilbijartina parlamentoyê ya Başûrê Kurdistanê têkilî nelirêtiyan daxuyanî tên.
Ofîsa Hilbijartinê ya YNK’ê got têkilî nelirêtiyên li Hewlêr û Behdînanê di dest wan de belge hene. Berdevkê YNK’ê Ehmed Pîre got ew encamên hilbijartinê red dikin, Qubat Talabanî her wiha got, ‘’Diyar e ku hin nelirêtî çêbûne lê niha zûye ku mirov tiştekî bibêje.’’
Başûrê Kurdistanê ev cara pêncan e ku ji bo hilbijartina parlamantoyê diçe ser sendoqan. Di pey girtina sendoqan re partiyan gotin, ‘’dek û dolab hatine gerandin’’.
Bi îdîaya ku li Koyê di hilbijartinan de nelirêtî hatine kirin PDK, Goran, Îslamî Yekgirtû û Komaley Îslamî daxuyanî dan, bi hinceta ku YNK di hilbijartinan de hêz bi kar aniye, ew encamên hilbijartinê qebûl nakin. Berdevkê Ofîsa Hilbijartinê ya YNK’ê û berdevkê YNK’ê Ehmed Pîre daxuyaniyeke hişk da.
Ofîsê got, ‘’Di dest me de belge hene ku li Behdînan û Hewlêrê dema dengdanê hîle hatine kirin. Li navendên hilbijartinê nelirêtî çêbûne. Em ji bûyeran Komîsyona Referandûmê û Hilbijartina Bilind a Kurdistanê û Wezareta Karê Navxwe berpirs dibînin.’’
QUBAT TALABANÎ: HÊ ZÛ YE
Têkilî mijarê Serokê Lîsteya Hilbijartinê ya YNK’ê ya hilbijartinên parlamentoyê Qubat Talabanî jî daxuyanî da û got ji bo qebûlkirin an jî redkirina encamên hilbijartinê hê zû ye.
Li ser gotinên Pîre jî Talabanî got, ‘Mebesta Pîre ew e ku sextekarî pir be ew ê hilbijartinan red bikin’’.