Di civînê de ku bi banga hikumeta Brezîlyayê hate lidarxistin, nûnerên Bolîvya, Kolombiya, Ekvador, Gûyana, Paragûay, Perû, Sûrînam, Ûrûgûay û Brezîlyayê amade bûn. Nûneran bal kişandin ser girîngiya bi "çalakiyên hemahengî" yên li dijî karên sûc kirin.

Di civînê de Arjantîn û Şîlî jî hatin temsîlkirin, lê belê herdu welatan mohra xwe dananîn binê metnê.

Wezîrê Edalet û Ewlekariyê yê Brezîlyayê Anderson Torres di destpêka civînê de xwedî li "tifaqa stratejîk a li dijî sûc" derket ku sîstema çavdêriya polîsan a kevneşop, berfireh dike.

Li gorî Torres bi vê hevkariyê re wê sûcên navneteweyî hîn bêhtir bêne teşhîskirin û danûstandinê ji bo pêşîgirtina li sûc wê bêne xurtkirin.

Nûnerên neh welatan biryar dan ku şeş mehan carekê li hev bicivin.