Serokê Baroya Amedê Tahîr Elçî ku li navçeya Sûr a Amedê li ber Minareya Çar Ling di 28'ê Mijdara 2015'an de ji aliyê dewleta Tirk ve hate qetilkirin, di salvegera 8'an de hate bîranîn.

Malbata Elçî, Hevseroka Partiya Demokrasî û Wekheviyê ya Gelan (HEDEP) Tulay Hatîmogûllari, Serokê Yekîtiya Baroyan a Tirkiyeyê (TBB) Erînç Sagkan, Selvî Kiliçdaroglû, parlamenter, serokên baroyan û parêzvanên mafên mirovan jî di nav de gelek kes li ber edliyeyê li hev kom bûn.

Di meşê de dirûşmên "Şehîd namirin" û "Tahîr Elçî namire" hatin qîrîn û piştre daxuyaniyek hate dayin. Di merasîmê de ku li strana 'Diyarbakir' a Ahmet Kaya hate xistin, li gotinên Elçî yên beriya bê qetilkirin hate guhdarîkirin.

Serokê Baroya Amedê Nahît Eren anî ziman ku tetîkkêş di tarîtiyê de hatiye hiştin û got, "Kuştina Tahîr Elçî operasyoneke siyasî bû ku dixwestin pêvajoya tarî ya sala 2015'an destpê kir, biafirîne. Bûyerên kuştinê nîne ku dewlet nikaribe ronî bike, lê belê bûyerên kuştinê hene ku dewlet ronî nake."

Turkan Elçî jî got, "Yên ku dixwazin me bêdeng bikin bila zanibin ku yên li edaletê digerin, zilm li wan tê kirin, êşê dikişînin xwedî deryayeke bêdawî ye. Em ê roj bi roj zêde bibin."

Serokê TBB'ê Erînç Sagkan jî got, "Heta ku berpirsyarên kuştina Tahîr Elçî bêne eşkerekirin û cezakirin, em ê vê têkoşînê dewam bikin."