Konseya Giştî ya Tevgera Azadî têkildarî teqîna ku li Silêmaniyê çêbû, peyamek weşand. Tevgera Azadî anî ziman ku ew êşa xelkê Silêmaniyê parve dikin û sersaxî xwest. Tevgera Azadî diyar kir ku nebûna polîtîkayek stratejîk a civakî ya hikûmeta Başûrê Kurdistanê, dibe sedemê van bûyeran.

Tevgera Civakî ya Demokratîk (TEV-DEM) têkildarî teqîna gazê ya li Silêmaniyê çêbû, peyamek weşand.

Di daxuyaniyê de wiha hate gotin: “Di serî xelkê Silêmaniyê, ji hemû gelê Kurd re sersaxiyê dixwazin û şîfayê ji birîndaran re dixwazin.”

Meclîsa Giştî ya Partiya Yekîtiya Demokratîk (PYD) jî ev tişt got:

“Em êşa xelkê Silêmaniyê parve dikin, sersaxiyê ji hikûmeta herêmê, YNK û malbatên qurbaniyan dixwazin. Em diyar dikin ku hemû gelê me yê li Kurdistanê yek e, birînek a parçeya wê birîna Rojavayê Kurdistanê û PYD’ê ye.

Em ji gelên hêrêmê û Kurdistanê re aştî, ewlehî û azadiyê dixwazin, di heman demê de ji bo wan li berxwe didin. Gelê me dibe sedem ku em girêdayî nirx û doza xwe bin û çareseriyek demokratîk bibînin. Li aliyê din jî em diyar dikin ku xizmetkirina ji gelê xwe re û başkirina şert û mercan, şert û mercê exlaqî yê herî girîng e.

Em sersaxiyê ji gelê Kurdistanê û malbatên qurbaniyan re, dixwazin.”