Civîn, bi deqeyek rêz ji bo kesên di Têkoşîna Azadiya Kurd de şehîdbûne destpê kir. Piştî rêzgirtinê rapora xebatên salekê hate xwendin û xebatên hatine kirin, hatin nirxandin.

Civîn bi beşdariya encumenên gundên girêdayî Şaredariya Binarê Qendîl û Hevşaredaran Emîne Ebdullah û Mamoste Mihemed ve destpê kir. Hevşaredarên ku di dîwanê de cih girtin xebatên salekê nirxandin. Di civînê de beşa ku herî zêde bal kişand jî, bomberdûman Binarê Qendîl a ji aliyên balafirên şer ên Tirk ve hate nirxandin bû. Hat diyarkirin ku di êrîşên esmanî de hem ziyanên madî û hem jî giyanî dibe, li dijî van êrîşan bêdengiya dewletaên cîhanî jî hate rexnekirin.

Di dawiya civînê de gotûbêj li ser xebatên ku wê sala 2017'an bên lidarxistin hate destgirtin û piştre plansazî hate kirin û civîn bi dawî bû.