Balafirên şer ên Tirk roja 1'ê Gulana 2018'an bombe li Navenda Çapemeniyê ya PJAK'ê ya li Herêmên Parastinê yên Medyayê barandibûn. Ji ber vê bomberdûmanê 6 kedkarên çapemeniyê şehîd bûbûn.

Endamên Çapemeniya Partiya Jiyana Azad a Kurdistanê (PJAK) Hêrîş Amed (Diyako Bextiyar), Argeş Bawer (Kardo Elyalî), Firat Çelê (Behcet Tekîn), Armanc Merîwan (Cemal Resulî), Vedat Amed û Raman Cawîd (Rehîm Borna) ji ber bomberdûmanê şehîd bûn.

Gelê Kurd her sal bi çalakiyan şehîdên xwe bi bîr tîne.

Balafirên şer ên Tirk, Sibata 2016'an êrîş biribûn ser herêmeke li Qendîlê ya gerîlayên PJAK'ê û ji ber vê êrîşê 6 gerîlayên PJAK'ê yên ji Bakur, Başûr û Rojhilatê Kurdistanê şehîd bûbûn.

Wekî din, rejîmên Tirk û Îranê payizê êrîş kiribûn û ji ber vê êrîşê 3 gerîlayên ji Rojhilatê Kurdistanê şehîd bûbûn.